تعالو احكيلكم شو صار معي

سلام كيفكم يا اعضاء يا حلوين

شو اخباراتكم
هاد يا جماعه الخير يوم الاربعاء كان عندي تسليم مشروع

المشروع هو قريه حرفيه و معرض وهيك اشي

المهم صرلي شهر عم بشتغل فيو و الوضع تمام

و المفروض ابدا الاسبوع الماضي ابيض بس شائت الظروف و صار عنا عزومه

المهم

يوم الاثنين و الثلاثاء غبت عن الجامعه عشان اشتغل لاني ما كنت مساويه اشي

والمطاليب كتييييييييييييييييره للتسليم

والدكتور لو يصحلو يطلب عروس نجورزو ياها ما بقول لا

مطلوب كل اشي والله لو انو مشروع تخرج مش هيك

المهم يوم الاثنين ضليت اشتغل اشتغل اشتغل اشتغل و واقفه طول النهار يا حرام بس ما حسيت حالي انجزت

االثلاثاء يوم الماااااااااااسي برضو طول النهارواقفه و مطمله ضهري و شغل طول النهار

و اجا الليل و صارت الساعه 12

و بعدين 3

و بعدين 5الصبح و الناس(اهلي يعني)يصحو يصلو الفجر و ينامو
و يردو يصحو

و الليل يمر وانا لسا بشتغل

وبعدين 8 الصبح وانا السا ما نمت ولا مخلصه شغلي كمان


ويلا يا نيسو صار موعد الصحوه تبعتي

و اروح البس و اطلع عالجامعه طبعا مش شايفه الفضا

واول قعده قعدتها من حوالي 12 ساعه كانت بالسياره لما امي وصلتني عالجامعه الله يرضى عليها

و تعبانه و نعسانه و حالتي يرثى لها

و مش قادره اوقف ع رجلي لانو في وجع مو طبيعي

و راااااااااااااااااااااسي و ما ادراكم عن راسي

و ضهري كمان

كلو ضارب و اجينا لمناقشه المشروع

و عينكم ما تشوف محسوبتكم شو خبصت بالكلام ولا عارفه احكي كلمتين ع بعض

و لمهندسه اللي ناقشتني بتقللي انو انتي فاهمه علي ؟؟؟؟

طبعا انا بقللها اه فاهمه فاهمه و انا ولا فاهمه ولا كلمه

بس ما اهتميت المهم عجبهم الشروع و مشي الحال

و ضليت ساحبتها صحوه لحد ما انعمى ضوي و عنجد صرت خلص نص ناينه و لمرسم بوقت المناقشه فش فيو كراسي ضليت واقفه عشان تكمل الماساه


و بعديها ابوي الله يرضى عليه حكى معي عشان يروحني

و اجا حملنا هالكراتين في السياره و الموديل كمان و مشينا

و هاي كانت برضو القعده التانيه اللي بقعدها من زمااااااااااااان

روحت ع البيت الساعه 4 العصر و كان صايرلي 32 ساعه وانا ع سحبه وحده كنت

ساحبتها يومين ورا بعض

و نمت بالسياره

و هيو المشروع صوره للموديل اتفرجو و باقي الكراكيب ما رح تفهمو منها اشي و ما عندي صور الها كمان