الوطن

موضوع: الوطن الإثنين أبريل 06, 2009 2:40 am

هذا الوطن عمره دهر
عمره ما مات من القهر
وعمره ما ارتخى
قمباز هالختيار
*****
صامد على عهود الشعب
ما مل عمره ولا تعب
لحظة أمل ما بتتركه
ولا بتترك الاحرار
*****
بقطرة فكر
وقطرة شعر
وقطرة قلم
بتحلى بعيون
الوطن هالدار
*****
هذا الشعب بقلبه اسد
عمره ما اخلف بالعهد
زنده جبل
ما بينحني
عدروب خط النار
*****
كلب ونبح بليل الوطن
زاد الوجع
زاد القهر
كلب العدا
عند الفجر
خاف من رفة الشنار
*****
اسم الوطن محفور
بقلبي انا محفور
وبرمش النسا محفور
بايد الولد محفور
وعلى كل كوم حجار
*****
وطني انا منبع أصل
منبع ورد جوا السهل
وطني انا عمق البحر
هوا الشمس وهوا القمر
شعب الوطن سيف الهمم
وسيف الوطن بتار
*****
فارس وطن
شبل انولد
حمل الحجر
دب الذعر
بكلب العدا
دب الذعر
وتشهد علينا
نشرة الاخبار
*****
كلب العدا خواف
مثل الشبل ما شاف
زند الولد
فيه الغضب
فيه العصب
زند الولد
اسرار
*****
وعنا النسا
عند المسا
تولد ولد
تهز المهد
وعند الصبح
تتزنر بزنار

موضوع: رد: الوطن الإثنين أبريل 06, 2009 7:19 am

حلو هاد الاشي

والله يا حجه قلق كل مواضيعك حلوه و استمري هيك

نار